4 ابواب bmw e30 1990

لون ابيض خارجي (اصلية السيارة فضي)

1. ماتور 2000 سي سي فانوس المنيوم .جدلة سيمنز e36 منفوض بالكامل (لبادات ورنج وكشنيت وجلود وكل اشي بتتعبى فقط زبت ألماني وانتيفريز ومي مقطرة. الماتور كلف 900 دينار نفض) وبيفحص كمبيوتر اموره طيبة. وىامب غلى فلتر الهوا تاع البوز اصلي. الماتور قاعد 100% على القواعد والدنجل. مش مايل.

2. مراوح كهرباء عدد 2 Spal رفيعة راكبات مع ريلاي وزطمة حرارة بديل للمروحة الكلتش.

3.جير عادي 5 غيار ZF . كلتش ودسك جديد اصلي LUK.

4.بككس 25 ريسنج قياس 3.73

5.بوكس البككس معدل (بور فليكس)

6.طمبونات امكتنك اصلي امامي وخلفي ومرشات وطبشات الجناح. بالكلبسة راكبين ( طبشات الابواب تفصيل فيبر ولا يوجد سبويلر). ووصلة هوك السحب الخلفي للامتكنك موجودة.

7.زنبركات الغطاء الخلفي الامتكنك راكبات (اسمك من الستاندرد عشان وزن السبويلر از حابب تركب سبويلر)

8.فتحة كهرباء اصلي. شغالة 100% وشبرها اصلي شركة.

9.كندشن حامي / بارد شغال 100% 

10.بطانة غطاء محرك.

11.بطانة تحت المحرك كاملة مع بطاين الوحل. راكبة بالكلبسة.

12.اكزوزت وسط اصلي شركة 

13.اكزوزت خلفي ريموس اصلي e30 مع مواسيره

14.عمود توازن أمامي وخلفي امتكنك (العريض)

15. بوكسات كفة M3 Evo كاستر.

16.بريكات امامي دسك مهوى. وخلفي دسك.

17.سيرفو وطرمبة بريك e34 M5

18.جنط 15 bmw style 5 تاع e34 محول 4 براغي.

19.براغي قفل جنط شنايزر اصلي.

20.كوشوك كومهو اصلي بحالة ممتازة.

21.شعارات السيارة جديدة شركة مع شعار الامتكنك على الشل.

22.سبيسرات جنط اصلي H&R 15 

23.صنوبرصات جديد. وكعكات اكتكنك عريض وارتفاع حلو.

24.ابريم السيارة اسود كامل.

25.مفاتيح السيارة جديد اصلي شركة مع زرافيلهم اصلي شركة (يوجد ال4 مفاتيح كاملات) مع رقمهم. يعني لسة المفتاح ماضي ومش ذايب.

26.بخاخات مي الزجاج بخاخ وليس خطين (الاصليات موجودين). وغطي المساحات والكلبسات بالسيارة كلها راكبة. وكل اشي راكب كلبسات اصلية.

27. سنتر لوك راكب (تجاري) الاصلي جدلته موجودة بتركب على الفيش.

28. شبابيك امامي كهرباء خلفي يدوي.

29. برادي هلفب اصلية بتركب فوق التابلو العادي

30. تابلو خلفي امتكنك أسود أصلي

31. سماعات DB خلفي اصلي راكبات على الأغطية الاصلية.

32. مسحل سوني BT5700U أصلي من ألمانيا بلوتوث ومكالمات وفلاشة وتحكم كامل. وامبليفير للصبووفر (صب swiss audio اصلي) قانوني.

33. البطاين جلد وكالة ولا نقرة.

34. علب فراطة المصاري للبطاين الامامية (اصلي bmw)

35. غرفة ريكارو امتكنك كاروهات ناعم مع خيمة الجير وكرسي خلفي ركايات اصلي مع رماية وسط بحالة جيدة. واكستنشن حزام أمان.

36. طبة جير البينا اصلية خشب.

37. طارة nardi gara 3 فورمايكا مع بوكس طارة nardi e30 اصلي . وquick release اصلي رفيع vms racing 

38. تابلو امامي ولا نقرة (وكالة) . ومراي وسط امتكنك مع اضوية للقراءة قوية واضاءة خافتة.

وضو بتابلو الشماسي بدبل للكمبيوتر (ضو هيلا لمبتين)

39. كبسات الرباعي والدي فروست الكندشن جديد أصلي شركة. وساعة فولت البطارية راكبة.

40. دعاسات السيارة الربر الاصلي والقماش الاصلي مع كلبساتهم بالارضية.

41. طفاية تخت الكرسي اصلي ريكارو e30

42. قماشة السقف اصلي اسود امتكنك

43. غطي دعسات المنيوم بنزين بريك كلتش

44. ركاية رجل جنب الكلتش اصلي امتكنك راكبة بالكلبسة

45. تابلو ساعات شغال 100% مؤشرات لون أحمر . واساور عدادات اصلي المنيوم بركبو كبس بدون لاصق.

46. بطاين الصندوق وكالة كاملة.

47. بطارية بالصندوق اصلي مع الغطاء وصندوق الاسعافات والمثلث والدعمة ومفتاح الطاسات وعلبتهم الاصلية فوق البطارية.

48. الجك والعدة كاملة مكملة وهوك السحب مع كلبسات الجك ومفتاح الجنط كل اشي بالكلبسة راكب اصلي شركة. 

49. تويترات ابواب أمامية.

50. بطانة تحت الستيرنج وكالة بالكلبسات والحمالات تاعونها

52. كمبيوتر تابلو OBC 13 button أصلي شغال 100% مع حرارة الجو ومانع التشغيل ومعدل المشي و السرعة والكتاوت والسماعة كامل مكمل.

52. سترس بار امامي حديد عيار.

53. شورت شفتر مع ثقالة عشان الغيارات تركب بسهولة.

54. معاها زيادة قطع نوادر من ألمانيا. (مفتاح سويتش اصلي مش مخروط. غطاء علبة فيوزات جداد أصلي) ومعاها جحش وسط ل 4 شبابيك كهربا بحالة الجديد. وتابلو شماسي مستعمل وكالة. كفة خلفية شمال دسك مع اكس خلفي. ذرعان استيرنج جديد اصلي شركة. طقم إصلاح لمجموعة الستيرنج احتياطي أصلي. وسترس بار خلفي (ما ركبته عشان نا اقص البطاين بالصندوق) وبكسات دنجل جديد اصلي (سبير) وتحويلة بريكات معدلة 320مم مع مخاخهم. وكمان شوية قطع مش متذكرها.

نفس المالك من 14 سنة .السيارة الها معي من 2011 . 

الفحص الك مش إلي . قبل 14 سنة 3 جيد ومضروب ومصلح.

انا غيرت تندة عشان الصدأ لانه الحمد لله مافيها صدأ وما صار معاي حوادث كبيرة الحمد لله. شغلات بسيطة.

السيارة لعمرها بدك تفحص افحصها الك مش الي. مشيتها على الشارع مسطرة. وادعس زي ما بدك.

مافي اصوات ولا قرقعة ولا اشي . كل اشي راكب اصلي ومشيتها بتجنن.

وكل اشي بالسيارة شغال 100% . بمعنى الكلمة شغل وامشي. وروح فيها على ألمانيا. وكل اشي راكب بالبرغي الأصلي والكلبسة الاصلي. وكل جلودها طرية فش فيها اشي منشف.

حابب تشتريها وتاخد كل القطع وتنفض سيارة فحص فيهم بتجيبلك 10 الاف مش غلط. حابب تاخدها تسوقها زي ما هي برضو مش غلط. السيارة مكلفة ومتعوب عليها ومعتنى فيها كويس.

خدها وركب حشوة 30. بتقلب قنبلة. مجهزة. بس بدك حشوة. 

والقطع اللي عليها بيعهم فرط بيجيبولك اكثر من حقها. 

كنت ناوي افرطها قطع واشطبها وابيعها قطع وبتجيب ضعف حقها. واللي بيعرف شو اسعار قطع البوز وندرتهم بيعرف اللي بحكي عنه.

بدي ابيعها كاملة مكملة قلم قايم تعال خدها . الف مبروك.

والسيارة مش ربحان فيها اشي. بالعكس. كلفت خلال ال14 سنة 3 اضعاف حقها. وسيارتي الشخصية من وقتها. وما بسوقها كتير كونه بستعمل الدراجة بشكل يومي.

للبيع بسعر 6600 دينار . بدك تفاوض فاوض بالمعقول بعد المعاينة. 

تفضل شوف السيارة بعينك وقدامك . 

السيارة ما شاء الله تبارك الله.

التواصل للجادين فقط

السيارة موجودة في مرج الحمام